سوال:-سفر شرعی کی مقدار میں اختلاف ہے یا نہیں اگر اختلاف ہو تو اس کو نقل کر کے راجح قول کی نشان دہی کریں؟

الجواب:-سفر شرعی کی مقدار میں اختلاف ہے چنانچہ امام ابو یوسف رحمہ اللہ کے نزدیک اقل مدت سفر دو دن اور تیسرے دن کا اکثر حصہ ہے امام شافعی رحمہ اللہ کے نزدیک ایک قول کے مطابق ایک دن اور ایک رات اور امام مالک و امام احمد رحمہ اللہ کے نزدیک چار فرسخ اقل مدت سفر ہے یہی ایک قول امام شافعی کا ہے اور طرفین رحمہ اللہ کے نزدیک تین دن تین رات اقل مدت سفر ہے اور یہی زیادہ صحیح اور راجح قول ہے-