سوال:- وقت سے پہلے اذان دینا شرعا درست ہے یا نہیں اگر کوئی شخص وقت سے پہلے اذان دے دے تو وہ شرعا کافی ہے یا نہیں یا اس میں کوئی اختلاف ہے ہر صورت مفصل و مدلل جواب تحریر کریں؟

الجواب:-وقت سے پہلے اذان دینا شرعا درست نہیں ہے اور اگر کوئی شخص وقت سے قبل اذان دے دے تو شرعا درست ہے یا نہیں اس سلسلے میں اختلاف ہے چنانچہ نماز فجر کے علاوہ باقی چار فرض نمازوں کے باری میں تو اتفاق ہے کہ وقت سے پہلے اذان دینے کافی نہیں ہے بلکہ لوٹانا پڑے گا البتہ فجر کے بارے میں حضرات امام ابو یوسف رحمہ اللہ اور امام شافعی رحمہ اللہ فرماتے ہیں کہ وقت سے پہلے اذان دے تو کافی ہے دوبارہ اذان دینے کی ضرورت نہیں ہے لیکن حضرت امام ابو حنیفہ و محمد رحمہ اللہ فرماتے ہیں کہ کافی نہیں ہے بلکہ وقت ہونے پر دوبارہ اذان دینا پڑے گا اور اس پر فتوی ہے-