سوال:-نماز کی فرضیت کب اور کہاں پر ہوئی ہے اگر اس میں کوئی اختلاف ہو تو راجح قول کی بھی وضاحت کریں؟

الجواب:-نماز کا حکم ابتداء اسلام میں آگیا تھا تاہم پانچ وقتہ نماز کی فرضیت معراج کے موقع پر ہوئی لیکن واقعہ معراج کی تاریخ کی تعیین میں مؤرخین کا اختلاف ہے بعض حضرات فرماتے ہیں کہ یہ واقعہ ربیع الاول کے مہینے میں پیش آیا اور بعض حضرات فرماتے ہیں کہ ایک واقعہ ربیع الثانی کے مہینے میں پیش آیا معتمد قول یہ ہے کہ ہجرت سے ایک سال پہلے رجب کے مہینے میں یہ واقعہ پیش آیا ہے اور دن کے متعلق مشہور ہے کہ 27 تاریخ کو رونما ہوا لیکن محققین کے نزدیک یہ تعیلین درست نہیں ہے خلاصہ یہ ہوا کہ راجح قول کے مطابق پانچ نمازوں کی فرضیت 12 نبوی کو ہوئی ہے-