سوال:-کن چیزوں سے غسل واجب ہوتا ہے اور کن چیزوں سے غسل واجب نہیں ہوتا ہے مدلل جواب تحریر کریں؟

الجواب:-غسل واجب ہونے کے لیے تین اسباب ہیں(١) جنابت، اس کا تحقیق سوتے یا جاگتے شہوت کے ساتھ منی کے خروج سے ہوتا ہے اگر جاگتے ہوئے یہ صورت پیش ائے تو اس کو انزال کہتے ہیں وغیرہ (٢) غسل کے وجوب کا دوسرا سبب حیض کا انقطاع ہے یعنی عورت کو جب ماہواری خون آنا بند ہو جائے تو طہارت کے لیے اس پر غسل ضروری ہوتا ہے(٣) وجوب غسل کا تیسرا سبب نفاس کا انقطاع ہے یعنی بچہ کی پیدائش پر جو خون جاری ہوتا ہے جب وہ آنا بند ہو جائے تو طہارت کے لیے غسل کرنا ضروری ہوتا ہے – بیان کردہ چیز کی علاوہ اگر کوئی پیش ائے تو غسل واجب نہیں بلکہ طہارت کے لیے وضو کرنا ہے-