باسمہ سبحانہ وتعالی
الجواب وبا اللہ التوفیق
ملاقات کے وقت ایسے الفاظ سے سلام کرنا جو غیر مسلم کا شعار یا ان کی تہذیب کا حصہ ہو مثلا نمستے یا نمسکار کہنا تو یہ جائز نہیں ہے اور اگر وہ نمستے یا نمسکار سے سلام کرتے ہیں تو جوابا ھداک الله کہ دیا جاۓ
فتاوی محمودیہ کتاب الحضر والاباحہ باب السلام. جلد ۱۹ صفحہ ۹۲ -۹۳ ط جامعہ فاروقیہ
کفایۃ المفتی جلد ۹. صفحہ ۱۰۹ ط دار الاشاعت
فتاوی رحیمیہ جلد ۱۰ صفحہ ۱۲۶
اذا سلم علی اھل الذمۃ فلیقل السلام علی من اتبع الھدی وکذلک یکتب فی الکتاب الیھم وفی التاتارخانیہ قال محمد اذا کتبت الی یھودی او نصرانی فاکتب السلام علی من اتبع الھدی. ( فتاوی شامی ۶ صفحہ ۱۴۲ کتاب الحضر والاباحہ. فصل فی البیع ط سعید )
اگر کوئی کھانے میں مشغول شخص کو سلام کرے تو کیا کھانے میں مشغول شخص پر سلام کا جواب دینا ضروری ہے؟؟
الجواب وبالله التوفيق:
جو شخص کھانے میں مشغول ہو، اس کو سلام نہیں کرنا چاہیے، اور اگر آپ نے ایسے شخص کو سلام کرلیا، تو سننے والے پر جواب دینا ضروری نہیں ہے، تاہم اگر جواب دیدے تو حرج بھی نہیں ہے۔
ويكره أن يسلم على من هو في الخلاء ولا يرد عليه السلام، وكذا الآكل والقاري والمشتغل بالعلم. (البحر الرائق/كتاب الكراهية/فصل: في البيع، ٣٨٠/٨، ط: دار الكتب العلمية بيروت) فقط والله سبحانه وتعالى أعلم.
اگر عورت کو بحالت نماز شوہر یا اجنبی شخص با الشھوۃ یا بلا شھوۃ چھولے تو عورت کی نماز درست ہو جائگی یا فاسد ہو جائگی؟
باسمہ سبحانہ وتعالیٰ
الجواب وبا الله التوفیق
اگر عورت کو بحالت نماز شوہر نے یا اجنبی شخص نے چھولیا خواہ شھوۃ کے ساتھ ہو یا شھوت کے بغیر ہو بہر صورت نماز فاسد ہو جائیگی