سوال:-اگر کوئی شخص اپنی بیوی سے یہ کہے کہ تجھ کو طلاق ہے طلاق ہے طلاق ہے تو ایسی صورت میں کون سی اور کتنی طلاق واقع ہوگی اور اس کا شرعا کیا حکم ہے نیز اگر شوہر یہ کہے کہ میری نیت ایک طلاق کی تھی تو ایسی صورت میں کیا حکم ہے مدلل بیان کریں؟

الجواب:-مسئولہ صورت میں اگر تین طلاق الگ الگ جملوں سے دی ہے تو اس کی بیوی پر ایک طلاق بائن واقع ہوگی اور باقی دو طلاقیں واقع نہیں ہوگی کیونکہ غیر مد خول بہا ایک طلاق سے بائن ہو جاتی ہے یعنی محل باقی نہیں رہتا ہے اس لیے باقی دو واقع نہیں ہوگی اور بیوی پر عدت گزارنا بھی لازم نہیں ہے پھر اگر دوبارہ نکاح کرنا چاہتے ہیں تو اس عورت سے نئے مہر و گواہوں کے موجودگی میں تجدید نکاح کر سکتے ہیں لیکن ائندہ کے لیے دو طلاق کا مالک رہے گا اور اگر تینوں طلاق اکھٹی ایک ہی جملہ سے دیی ہو تو اس صورت میں تینوں طلاق واقع ہو جائے گی اور بیوی حرمت مغلظہ کے ساتھ حرام ہو جائے گی اب رجوع کرنا جائز نہیں ہوگا مگر یہ کہ وہ عورت حلالہ شرعی کرنے کے بعد اس سے نکاح کرنا چاہے تو اب درست ہے اس تفصیل سے دونوں صورتوں کے درمیان فرق ہوگا-