سوال:-اگر عصر کی نماز کے دوران سورج غروب ہو جائے اور فجر کی نماز کے دوران سورج طلوع ہو جائے تو نماز کا شرعا کیا حکم ہے آیا دونوں کا حکم ایک ہے یا الگ الگ اگر الگ الگ ہو تو اس کی وجہ کیا ہے مفصل مدلل بیان کریں؟

الجواب:- صورۃ مسئولہ میں دونوں کا حکم الگ الگ ہیں کہ عصر کی نماز کے دوران سورج غروب ہو جائے تو نماز کراہت کے ساتھ ادا ہو جائے گی اور فجر کی نماز کے دوران سورج طلوع ہو جائے تو نماز باطل ہو جائے گی اس کی وجہ کے بارے میں اصول یہ ہے کہ سبب جیسا ہوگا ویساہی مسبب ہوگا یعنی سبب کامل ہو تو مسبب بھی کامل ہوگا اور سبب ناقص ہو تو مسبب بھی ناقص ہوگا اب عصر کی نماز ناقصا واجب ہوئی لہذا ادا بھی ویساہی ہوگا اور فجر کاملا واجب ہوا لہذا ادا بھی کامل ہوگا اور یہاں ایسا نہیں ہوا اس لیے فجر کی نماز درست نہیں ہوگی-