تراویح کے8 رکعت ہونے پر غیر مقلدین جو دلیل دیتے ہیں اسکا مدلل جواب اور اپنے 20 رکعت ہونے پر مضبوط و مستند دلائل مطلوب ہیں؟

الجواب باللہ التوفيق: آٹھ رکعات تراویح پر غیر مقلدین بنیادی طور پر دو حدیثیں پیش کرتے ہیں: پہلی حدیث: حضرت عائشہ رضی اللہ عنہا سے پوچھا گیا کہ نبی کریم صلی اللہ علیہ وسلم رمضان میں (رات کو) کتنی رکعتیں پڑھتے تھے۔ آپ نے جواب دیا کہ رسول اللہ صلی اللہ علیہ وسلم (رات میں) گیارہ رکعتوں سے زیادہ نہیں پڑھتے تھے۔ خواہ رمضان کا مہینہ ہوتا یا کوئی اور پہلے آپ صلی اللہ علیہ وسلم چار رکعت پڑھتے، پس ان کی خوبی اورلمبائی کے بارے میں مت پوچھو (کہ وہ کتنی لمبی اور خوب ہوا کرتی تھیں) پھر آپ صلی اللہ علیہ وسلم چار رکعت اسی طرح پڑھا کرتے تھے۔ پھر تین رکعت وتر پڑھا کرتے تھے (صحیح البخاری: كتاب التهجد: باب قيام النبي صلى الله عليه وسلم في رمضان وغيره ج/١ ص/١٥٤) یہ حدیث دراصل نماز تہجد کے بارے میں ہے اور غیر مقلدین جو اس حدیث سے آٹھ رکعات تراویح پر استدلال کرتے ہیں ان کا یہ استدلال درست نہیں ہے اور ان کا خود بھی اس حدیث پرعمل نہیں ہے اس لیے کہ اس حدیث میں رمضان اور غیر رمضان دونوں میں آٹھ رکعات پڑھنے کا ذکر ہے اور یہ حضرات صرف رمضان میں پڑھتے ہیں اور اس حدیث میں چار چار کر کے پڑھنے کا ذکر ہے اور یہ حضرات دو دو کر کے پڑھتے ہیں اور اس حدیث میں تنہا پڑھنے کا ذکر ہے اور یہ حضرات جماعت کے ساتھ پڑھتے ہیں اور اس حدیث میں تین رکعات وتر پڑھنے کا ذکر ہے اور یہ حضرات ایک رکعت وتر پڑھتے ہیںدوسری حدیث جو غیر مقلدین پیش کرتے ہیں وہ مؤطا امام مالک کی یہ روایت ہے: حدثنی عن ﻣﺎﻟﻚ، ﻋﻦ ﻣﺤﻤﺪ ﺑﻦ ﻳﻮﺳﻒ، ﻋﻦ اﻟﺴﺎﺋﺐ ﺑﻦ ﻳﺰﻳﺪ؛ ﺃﻧﻪ ﻗﺎل ﺃﻣﺮ ﻋﻤﺮ ﺑﻦ اﻟﺨﻄﺎﺏ ﺃﺑﻲ ﺑﻦ ﻛﻌﺐ ﻭﺗﻤﻴﻤﺎ اﻟﺪﻳﺮﻱ ﺃﻥ ﻳﻘﻮﻣﺎ ﻟﻠﻨﺎﺱ ﺑﺈﺣﺪﻯ ﻋﺸﺮﺓ ﺭﻛﻌﺔ (مؤطا امام مالک:ص ١١٦) ترجمہ: حضرت سائب بن یزید فرماتے ہیں کہ حضرت عمر رضی اللہ عنہ نے حضرت ابی بن کعب اور حضرت تمیم داری کو حکم دیا کہ وہ لوگوں کو گیارہ رکعات کی امامت کرائیں۔ علامہ عبدالبر رحمہ اللہ اس حدیث کے متعلق فرماتے ہیں کہ امام مالک کے علاوہ میں کسی کو نہیں جانتا جس نے اس حدیث میں “احدی عشرۃ رکعة” یعنی گیارہ رکعت کا ذکر کیا ہو بلکہ تمام راویوں نے گیارہ رکعات کی جگہ “احدى و عشرين” (اکیس رکعات) ذکر کیا ہے اور فرماتے ہیں کہ میرا غالب گمان یہ ہے کہ امام مالک کو گیارہ رکعات میں وہم ہوا ہے…